منتديات الدفاع عن الجماهيرية الليبية و سوريا العروبة
عزيزي الزائر / عزيزتي الزائرة
يرجي التكرم بتسجبل الدخول إذا كنت عضو معنا
أو التسجيل إن لم تكن عضو وترغب في الإنضمام إلي أسرة المنتدي
سنتشرف بتسجيلك

إدارة المنتدي



تواصل الحراك الشعبي المؤيد لسيف الاسلام

استعرض الموضوع السابق استعرض الموضوع التالي اذهب الى الأسفل

تواصل الحراك الشعبي المؤيد لسيف الاسلام

مُساهمة من طرف الشابي في السبت يونيو 17, 2017 2:27 am



مسيرة حاشدة بمدينة الاصابعة المجاهدة دعما للمهندس سيف الاسلام معمر القذافي و تنديدا بقرار الجنائية الدولية حاملين فيها الرايات الخضراء و صور القائد و المهندس سيف الاسلام
قبائل العجيلات المجاهدة تهنئ في بيان لها جماهير الشعب الليبي العظيم بخروج المهندس سيف الاسلام معمر القذافي و تدعوهم للاتفاف حوله مطالبة بعودة المهندس و ممارسة عمله السياسي لانتشال الوطن الى بر الامان مجددين ثقتهم بهم و برؤيته الحكيمة في معالجة الاوضاع التي يعانيها الوطن و اهمها المصالحة الوطنية بين ابناء ليبيا
قبائل المنطقة الوسطى : معدان - القذاذفة - ورفلة - الحسون - المشاشية بسرت - الزياينة - الهماملة - فرجان - قماطه - بركات - اولاد وافي - القبايل - العبادلة - قبائل زلة - الربايع بسرت - الجماعات بسرت - " ترحب بقرار الافراج عن المهندس سيف الاسلام معمر القذافي معتبرة اياه خطوة مهمة في طريق تحقيق المصالحة الشاملة بين ابناء الوطن الواحد
في تونس

احتفالية شعبية ااقيمت بمناسبة اطلاق سراح المهندس سيف الاسلام القذافي في فندق الهناء الدولي بالجمهورية التونسية بحضور المهجرين الليبيين و شخصيات برلمانية و سياسية و نشطاء مجتمع مدني في تونس.

تواصل الاحتفالات بمدينة غات الوفاء بخروج سيف الأسلام و رداً على قرار ماتسمى محكمة الجنايات الدولية 15-6-2017

احتفالات مستمرة في مدينة غات بخروج سيف الأسلام و شعارات ترفع ضد مايسمى محكمة الجنايات الدولية طز 15-6-2017

الشابي
مشرف عام
مشرف عام

ذكر
عدد المساهمات : 5747
نقاط : 15724
تاريخ التسجيل : 04/06/2014



الرجوع الى أعلى الصفحة اذهب الى الأسفل

رد: تواصل الحراك الشعبي المؤيد لسيف الاسلام

مُساهمة من طرف محارب الجردان الخضر في السبت يونيو 17, 2017 2:50 am

يعطيك الصحة اخونا الشابي دائما في الموعد.........
و هذه هديتي لك
المرسول
حيل غايتي مرسول مني وليا
صافي النيه
ندزه لناس اعزاز ، غابوا عليا
حيل غايتي مرسول يمشي قداهم
ويقعد اعماهم
يجيبلي تفاصيل واخر نباهم
بي اعيالهم بي ارجالهم بي نساهم
يجيب الضويه
مضمون ماهوش خالي قضيه
يامرسول اطرف يالاهم
جيبلنا لعزاز باهم
من طبرق بدي
قل جواب كتبته بيدي
لبلاد اتنير وتسدي
يارب يسلك مسداهم
درنه كيف حالك
وقوللها ماضاع جمالك
لازم يصفى شلالك
واللي ارعبوها ، تنساهم
البيضاء وجبلها
والباكور القبه وهلها
رايتنا من لون جبلها
مازلنا ، ما بدلناهم
حيل غايتي في السبت يطلع فرادي
يقصد الوادي
لاحد لثنين بيكون غادي
ويقيم يومين ضيف الاجوادي
بوجبه هنيه
والثالثه بالوز والكاكويه
يا مرسول اطرف يالاهم
جيبلنا لعزاز نباهم
المرج ولبيار
وزور بنغازي دار بدار
وقل سلام لهلها حار
اولادهم ورجالهم ونساهم
اجدابيا وسلوق
وجالو وجخره والطوق
لاعند الكفره، مطلوق
سراحك ،لين تنال ارضاهم
مسي لبريقه
وبشر ولعقيله ولحريقه
تلقا مدعكها، وطريقه
حيي ،شهدانا ،ودماهم
حيل غايتي مرسول ماهوش كاره
ولا الكبد داره
وتحته وفي يديه مركوب فاره
ولاهوش عيان طارب وشاره
شق الحطيه
عنده تقول غير شربت اميه
حدر مربوحه
وتوصل لسرت المجروحه
راس المال فداها بروحه
وهلها ماهو هاذا اكفاهم
والجفره وزله
اوادي لبلاد ورفله
وزليتن والخمس اتقله،
حار سلامي لمحياهم
عدي لمصراته ،
عزيها ،عللي ، نفراته
ونبهها عللي راماته
راو عليهم ماو اعماهم
حيل غايتي مرسول كمل اشغاله
ومرتاح باله
يوصل حمد رمضان ينقل رساله
يقوله يقول ،لخوك وطنك، فحاله
وناسه شقيه
من غيبتك ، لليوم ، ماله هويه
قوله في حاله
وطنك راح وسرقوا امواله
واللي في عهدك رجاله
ما تعرفهم ، لو تلقاهم
قوله ولينا
تبع والعظمي روينا
كيف الكوره يطبوا فينا
اللي في الخيمه ظيفناهم
عدي للاسره
وقوللهم ما ادوم الغسره
وما بعد العسرا الا اليسره
ربي عادل ما ينساهم
حيل غايتي مرسول نيته نضيفه
وروحه خفيفه
ندزه للناس اعزاز ونضاف كيفه
حيي ، ترهونه
وقوللها راكم في عيونه
روين زيتونه زيتونه
بدم ضنانا ودم، ضناهم
زور جبل نفوسه
الحيطه والنبته. المغروسه
قوللهم ينسوا الكابوسه
ويعودوا ليام زهاهم
سبها ،والشاطي
،واوباري وفي غاث تواطي
وع الاحروف تحط نقاطيً،
للتاريخ اللي رقاهم
نا تارقي من البو وام تارقيه
والوطن فيا
لا خنت لا نخون ونشد عليا
نا تارقي مالبو، وصافي حليبي
وطني جبيبي
ونعيش في غات ونموت ليبي
ماتوقف سير،
من غدامس لاراس اجدير
هلهن ليهم شان كبير،
فزعتنا وهك عرفناهم
حيل غايتي مرسول مابي يتوصه
ولا فيه خصه
ولا الي ندزه، بيه عنده يدسه
ويمشي لراس اجدير يعمد العسه
ثنيه ثنيه
لاعند ، لعجيلات ، خوت ، الحميه
حيل غايتي مرسول صاحب ادباره
عنده شطاره
ياخذ جوابي طول يعمد ازواره
ما يفرحوش بقظ خصم الاغراره
ونقل الرزيه
اللي يظحكك مرات شر البليه
يامرسول اطرف يالاهم
جيبلنا لعزاز نباهم
الزاويه وصرمان
وصبراته حتي حشان
وجنزور ، وعقد الفرسان
سبع اطبول ،وهلها راهم
حيي لبواب
طرابلس ما تنساء باب
وقوللها ،ملقانا ، طاب
رايفنا ،لهلها ، شتقناهم
ارجع بسلامك
عجل فيسع خف اقدامك
تلقاني ،نرجي ، قدامك
مشتاق ،اخبار، هواليها
يا مرسول وصلت احكيها
رحلة ، لبلاد ، وما فيها
جيت ونحكيلك
حتي هي في شوق مثيلك
مليون تحيه تهديلك
وندعي ،مولانا ،. يهنيها
avatar
محارب الجردان الخضر
عضو فعال
عضو فعال

ذكر
عدد المساهمات : 842
نقاط : 1860
تاريخ التسجيل : 26/07/2013



الرجوع الى أعلى الصفحة اذهب الى الأسفل

رد: تواصل الحراك الشعبي المؤيد لسيف الاسلام

مُساهمة من طرف السهم الناري في السبت يونيو 17, 2017 3:55 am

avatar
السهم الناري
المراقب العام
المراقب العام

ذكر
عدد المساهمات : 26488
نقاط : 62831
تاريخ التسجيل : 04/05/2013
الموقع : الوطن العربي

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى